Asad Iqbal Naat Lyrics

Dekar khuda ko jaan ki qeemat khareed li, Naat Lyrics

1-Dekar khuda ko jaan ki qeemat khareed li,
Har aaahiq-e-rasool ne jannat khareed li.

2-Aaqa ne apni zindagi gurbat mai kaat kar,
Dunya ke har gareeb ki gurbat khareed li.

3-Asghar ke us tabassum-e-masoom par nisaar,
Jisne yazeediyo(n) ki hukoomat khareed li.

4-Jisne nabi ki yaad ko dil mai basa liya,
Samjho ke usne khuld ki raahat khareed li.

5-Sau baar us deewana-e-sarkaar ko salaam,
Jisse zubaida bibi ne jannat khareed li.

6-Mash'hoor kar diya mujhe aaqa ki naat ne,
Maine nabi ki naat se shohrat khareed li.

7-Najdi ko aaye sharm ye bilkul muhaaal hai,
Shaitan ne har ek ki gairat khareed li

8-Meraj-e-mustafai pe qurban jaaiye,
Jisne zamee(n) ke waaste azmat khareed li.

9-Allah ne mustafa ki raza ke liye ASAD,
Baazaar-e-mustafai se ummat khareed li.

This Naat's Youtube Link- Click here